Back فانورونا Arabic Fanorona Catalan Fanorona German Fanorona English Fanorona Spanish فانورونا Persian Fanorona French Fanorona Italian Fanorona Malagasy Fanorona Dutch
Fanorona es un jua de table per du juores, orijinal de Madagasicara. Lo ave tre varias normal: fanoron-telo, fanoron-dimy, e fanoron-tsivy. La difere entre estas es la grandia de la table: fanoron-telo usa un table de 3 par 3, e es simil a tictacto; fanoron-dimy usa un table de 5 par 5; e fanoron-tsivy usa un table de 9 par 5, e es la plu popular. La jua usa 20 pesos per juor, un colie blanca e un colie negra. Los es ordinada sur tota puntos estra la sentro. La gol de la jua es catura tota pesos de sua oposor. Si nun ateni la gol, la jua fini egal. Catura es fada par o move a la peso oposante o move de la peso oposante.
La jua es multe persones en Madagasicara. Seguente un varia de un lejenda comun, un astrolojiste ia avisa Re Ralambo per eleje sua susedor par eleje un tempo cuando sua fios ia es a via de la capital. Alora, el debe finje es malada e urje ce los reveni per aida el. El ta dona sua rena a la fio ci reveni prima. Cuando la mesajor ia ateni la fio la plu vea, Prinse Andriantompokondrindra, el ia es juante fanorona e atenta gania un telo noho dimy (3 contra 5) situa, un cual es famosa per sua difisilia. Donce, sua frate plu joven, Prinse Andrianjaka ia ariva prima e donce erita la trono.
La table de fanorona es composada de linias e puntos de crusi, creante un grilia de 5 linias e 9 colones, sudivideda par linias diagonal. Un linia representa la via longo cual un peso pote move. On ave puntos forte e puntos debil. A un punto debil, un peso pote move sola ortogonal; a un punto forte, on pote ance move diagonal.
Moves:
- On ave du tipos de moves: caturante e noncaturante (un move paika);
- Un move paika es un move de un peso longo un linia a la punto juntante;
- Moves de catura es obligante e debe es usada si posible;
- Catura es fada en du modos, e pote sutrae un o plu pesos de la oposor;
- Un catura par prosimi - la peso move a un punto juntada a lo de la oposor, cual debe es sur la continua de la linia entre los;
- Un catura par retira - la peso move de sua punto juntada a lo de la oposor, cual debe es sur la continua de la linia entre los;
- Cuando un peso oposante es caturada, tota pesos oposante cual es en un linia ultra acel peso es ance caturada (si no cuadro vacua o un peso de la atacor es sur la linia entre los);
- Un catura prosimi e un catura retira no pote es fada a la mesma ves - la juor debe eleje un o la otra;
- Como en damas, la peso caturante pote fa caturas susedente, con alga restrinjes;
- Lo peso caturante no pote ariva a la mesma punto du veses;
- Lo no es permeteda move du veses seguente en la mesma dirije (prima per un catura retirante e alora un otra per un catura prosiminte) de un parte de un segue de catura;
- Ma, no como en damas, la continua de un segue de caturas no es esijeda;
La jua fini cuando un juor catura tota pesos de sua oposor. Si nun pote ateni esta, la jua es un fini egal.